சுட்டரைத்தத் துவையல்
நவம்பர் 8, 2011 at 7:05 முப 11 பின்னூட்டங்கள்
7நிமிஷம் மைக்ரோவேவில் சுட்ட கத்தரிக்காய்
நல்ல பெறிய சைஸ் கத்தரிக்காயை
அனலில் சுட்டு துவையல்தயாரித்தால்சுவையாக இருக்கும்.
நான் மைக்ரோவேவில் சுட்டுதான் செய்தேன்.
மிகவும் நன்றாகத் தோல்உறிக்க வந்தது.
உங்களுடன் பகிர்ந்து கொள்ள ஒரு விஷயமும் வேண்டும்
ஜெனிவா குறிப்புதான் இதுவும்,
கத்தரிக்காய் என்னவோ இந்தியாவினுடயதுதான்.
வேண்டிய ஸாமான்களைப் பார்ப்போமா.
வேண்டியவைகள்–கத்தரிக்காய் துவையலுக்காக—
கத்தரிக்காய்—- பெறிய சைஸாக 2
வெங்காயம்—-திட்டமான அளவு 2
வெள்ளை எள்—–2 டீஸ்பூன்
புளி—–ஒரு நெல்லிக்காயளவு
பெருங்காயம்—சிறிது
கொத்தமல்லி, கறிவேப்பிலை வேண்டிய அளவு.கட்டாயமில்லை.
உப்பு–ருசிக்குத் தேவையான அளவு.
உளுத்தம் பருப்பு—-4 டீஸ்பூன்
கடுகு—1/4டீஸ்பூன்
வெந்தயம்1/4 டீஸ்பூனிற்கும் குறைவு
மிளகாய் வற்றல்—-4
எண்ணெய்—நல்லெண்ணெய். 2 டேபிள் ஸ்பூன்
செய்முறை—–அலம்பித் துடைத்த கத்தரிக்காயின் மேல் இலேசாகஎண்ணெயைத் தடவவும்.
மைக்ரோவேவில், அதன் பாத்திரத்தில், காயை வைத்து,ஹை பவரில் 3 நிமிஷங்கள்சூடாக்கவும்.
திரும்பவும் காயைத் திருப்பி வைத்து4 நிமிஷங்கள்அதேபோல் சூடாக்கி எடுக்கவும்.
காய் நன்றாக ஆறிய பிறகு தோலை உறித்தெடுக்கவும்.
வாணலியில் சிறிது எண்ணெயைக் காயவைத்து உ.பருப்பு,மிளகாய்,
வெந்தயம்இவைகளை சிவக்க வறுத்து எள்ளையும் சேர்த்து வறுத்து இறக்கவும்.
நறுக்கிய வெங்காயத்தைத் தனியாகச் சிறிது எண்ணெய் சேர்த்து வதக்கவும்
.எள்,சுட்ட கத்தரிக்காய், வெங்காயம், மிளகாய்,புளி ,வெந்தயம்
இவற்றை மிக்ஸியில்இட்டுஜலம் விடாமல் கெட்டியாக அறைக்கவும்.
நன்றாக மசிந்த பின் உளுத்தம்பருப்பைச் சேர்த்துக் கொரகொரப்பாக அரைத்துஉப்பைச் சேர்க்கவும்.
கடுகு, பெருங்காயப் பொடியை, மிகுதி எண்ணெயில் தாளிதம் செய்யவும்.
நல்லெண்ணெய், நெய் சேர்த்து சாதத்துடன் சாப்பிட மிகவும் ருசியாகஇருக்கும்.
வெங்காயத்திற்குப் பதில் தேங்காயும், புளிக்குப் பதில்,வதக்கிய தக்காளியும்சேர்த்து அரைக்கலாம்.
புளி சேர்த்த துவையலில் சிவக்க வறுத்த வெந்தயம் ருசியைக் கொடுக்கும்.
சுட்ட கத்தரிக் காயுடன் துளி,தேங்காய்,இஞ்சி, ப.மிளகாய் சேர்த்தரைத்து
தயிரில் கலந்து கடுகு தாளித்தால் பச்சடி தயார்.
கொத்ஸு தயாரிக்கலம்.
இப்படி சுட்ட கத்தரிக் காயில் அநேகவிதம் தயாரிக்கலாம்.
அரைக்கும் போதே கொத்தமல்லி கறிவேப்பிலையை மறக்க வேண்டாம்.
உப்பு காரம் , தேவைக்கேற்ப அதிகரிக்கலாம்.
பர்த்தா தயாரிப்பதும் இப்படி சுட்ட கத்தரிக்காயில்தான்.
கத்தரிக்காய் சேர்க்கும் பத்திய சமையலில் சுட்ட காயை மசித்து
துளி நெய்யில் கடுகு,சீரகம்,உளுத்தம்பருப்பு, பெருங்காயம் தாளித்து,
உப்புபோட்டு கொடுப்பார்கள்
கிராமத்து ஐட்டம் இது. எதுவோ வேண்டியவர்கள் செய்து பாருங்கள்
.இரண்டாவதுபடம் மேலே வந்திருக்கிரது.கீழே 1, 3, 4.
எண்ணெய் தடவிய கத்தரிக்காய்.
உறித்த கத்தரிக்காய்
துவையலும்,பச்சடிக்கானவிழுது சிறிதும்
Entry filed under: துவையல் வகைகள்.
11 பின்னூட்டங்கள் Add your own
மறுமொழியொன்றை இடுங்கள்
Trackback this post | Subscribe to the comments via RSS Feed
சொல்லுகிறேன் 
1.
Mahi | 7:47 பிப இல் நவம்பர் 16, 2011
மைக்ரோவேவில் கத்தரிக்காயை சுட்டு செய்ததில்லை,உங்க பதிவு பார்த்ததும் சுட்டு பைங்கன் பர்தா செய்தேன் அம்மா! 🙂
அடுத்தமுறை சட்னி செய்து பார்க்கிறேன்.
2.
chollukireen | 9:53 முப இல் நவம்பர் 17, 2011
எது செய்தால் என்ன. கத்தரிக்காய் நன்றாக தீயாமல் பதமாக சுட்டுரிக்க முடிகிறது. உன் கமென்டிற்கு ஸந்தோஷம். சட்னி செய்து பார்க்கிறேனென்றாய். இன்னும் என்னவெல்லாம் செய்யமுடியும் என்றும் மனதிலே எண்ணங்களும் எழும். நான் இப்படி கற்பனை செய்து கொண்டேன்.அவ்வளவுதான்.
3.
Geetha Sambasivam | 2:49 முப இல் ஜூலை 8, 2015
கத்தரிக்காய்ச் சுட்டுத் தயிர்ப்பச்சடி பார்த்ததும் என் அம்மா நினைவு வந்தது. எனக்கு ரொம்பப் பிடிக்கும் என்பதால் அடிக்கடி செய்து தருவார்கள். பத்தியச் சமையலிலும் இடம்பெறும். கத்தரிக்காய் சுட்டுத் துவையல் செய்யும் போது வெங்காயம் சேர்த்தது இல்லை. ஒரு முறை வெங்காயம் சேர்த்தும் செய்து பார்க்கிறேன்.
4.
chollukireen | 9:12 முப இல் ஜூலை 8, 2015
இந்த வெங்காயம் வேண்டுமென்றால் ஸரி. வேண்டாமென்றாலும் ஸரி. முதல் பத்தியத்திற்கு கத்தரிக்காய் சுட்டுப் பிசைந்ததுதான் வரும். அவ்வளவு ருசியாக இருக்கும் வறுத்த எள் புளிவைத்த துவையலில் ருசியைக் கூட்டும்.. உங்களுக்குத் தெரியாதது இல்லை. நம்ம ஊர்ப் பக்கமே இருப்பவர்கள் எல்லாவற்றிலும் வெங்காயமா என்பார்கள். இஷ்ட தேவதை வணங்குவது மாதிரி. ரொம்பவும் ஸ்வாதீனமாக எழுதுகிறேன்,. அன்புடன்
5.
chollukireen | 10:51 முப இல் மே 30, 2022
Reblogged this on சொல்லுகிறேன் and commented:
எனக்கு மைக்ரோவேவ் புதியதாக இருந்திருக்கும் என்று நினைக்கிறேன். தவிரவும் கத்தரிக்காய் இதில் சுட்டால் எப்படி இருக்கும் என்று நினைத்தேனோ? ஞாபகமில்லை. எதுவோ மீள்பதிவுதான் இதுவும். எப்படி இருக்கு பாருங்கள். அன்புடன்
6.
ஸ்ரீராம் | 11:59 பிப இல் மே 30, 2022
சுவை! உங்கள் தளத்தில் நான் இடும் கமெண்ட்ஸ் காணாமல் போய்விடுகிறது. மறுபடி மறுபடி முயற்சித்தாலும் வெளியாவதில்லை.
7.
நெல்லைத்தமிழன் | 1:57 முப இல் மே 31, 2022
அருமையான குறிப்பு. கத்தரிக்காய் என்னவோ யூரோப்பில் உள்ளது போல இருக்கிறது.
வித விதமான செய்முறைகள். மைக்ரோவேவில் பண்ணியதில்லை. தயிர் சேர்த்தும் சாப்பிட்டதில்லை
8.
chollukireen | 11:25 முப இல் மே 31, 2022
தமிழ்க்கடையில் வாங்கியதுதான். தெரியலே. எனக்கு மருமகள்கள் மூலம்தான் மைக்ரோவேவ் அறிமுகம். இப்போது எல்லாமே மறைமுகம்.பேத்திகள் அவனிலேயே எல்லாவிதமும் செய்கிரார்கள்.ஸ்லைஸாக நறுக்கி , ஆலிவ் ஆயிலால் பிரஷ்செய்து என்னென் னவோ செய்கிரார்கள். பச்சடி செய்து பாருங்கள். ருசியாக இருக்கும். நன்றி. அன்புடன்
9.
Geetha Sambasivam | 11:33 முப இல் மே 31, 2022
இந்தப் பதிவை ஏற்கெனவே பார்த்துக் கருத்தும் சொல்லி இருக்கேன். கத்திரிக்காயை நானும் மைக்ரோவேவில் சுட்டதில்லை. ஒரு தரம் சுட்டுப் பார்க்கணும். கத்திரிக்காய்ப் பொடி தூவிய கறி இன்னிக்குப் பல நாட்களுக்குப் பின்னர் பண்ணினேன். சின்னக் கத்திரிக்காய். ஸ்டஃப் பண்ணி இருக்கலாம். எண்ணெய் அதிகம் தேவைப்படும்னு எண்ணெய் குறைத்துச் செய்தேன்.
10.
chollukireen | 3:59 பிப இல் மே 31, 2022
ஆமாம் அதில் உங்களுக்கு பிரச்சனை மிகவும் பிடிக்கும் என்று சொல்லி உள்ளீர்கள் மைக்ரோவேவில் கத்தரிக்காய் சுட்டது நன்றாகவே வருகிறது ஒருமுறை செய்து பார்த்தால் தெரியும் உங்களுக்கு பொடி போட்ட கத்தரிக்காய் வதக்கல் மிகவும் ருசியாக தான் இருக்கும் எங்கள் ஊரின் அருகில் கொடு மாங் குப்பம் என்ற ஊரின் கத்தரிக்காய் குட்டி குட்டியாக மிகவும் நன்றாக இருக்கும் போடி அடைத்து செய்ய மிகவும் ருசியானது அதை ஞாபகப்படுத்தி விட்டீர்கள் மிக்க நன்றி உங்கள் பின்னூட்டத்திற்கு அன்புடன்
11.
chollukireen | 11:03 முப இல் ஜூன் 1, 2022
பச்சடி என்பது பிரச்சனை என்று பதிவாகியுள்ளது