Posts filed under ‘Uncategorized’

2014 in review

The WordPress.com stats helper monkeys prepared a 2014 annual report for this blog.

Here’s an excerpt:

Madison Square Garden can seat 20,000 people for a concert. This blog was viewed about 61,000 times in 2014. If it were a concert at Madison Square Garden, it would take about 3 sold-out performances for that many people to see it.

Click here to see the complete report.

திசெம்பர் 30, 2014 at 6:28 முப பின்னூட்டமொன்றை இடுக

பொரி உருண்டை

கார்த்திகையை நினைத்துக் கொண்டு நாம் ஏதாவதுஎழுதினோமா என்று பார்த்தால் ஜெனிவாவில் கிடைத்த பொரியில் செய்தது நான் இருக்கிறேன் என்று முன் வந்து நிற்கிறது. அதுதான் நானே எடுத்த முதல் போட்டோவும். காமா,சோமா என்று இருந்தாலும் கார்த்திகைப்
பருப்பு தேங்காயும்,உருண்டைகளும் கிடைத்த வெல்லத்தைக் கொண்டு செய்தது. நான் எடுத்த முதல் படம்.
என் கேமிராவில் என்ன இருக்கும்? கம்யுட்டரில்தான் என்ன இருக்கும்.? இதுவே அது.அதுவே இது என்ற கணக்கில்தான்.
பாருங்கள்.அண்ணாமலைக் கார்த்திகை வாழ்த்துகளுடன்.
அன்புடன்

கோபுர தரிசனம் கோடி புண்யம். திருவண்ணாமலை கோபுரம்.

திவண்ணாமலை ராஜகோபுரம்.

திருவண்ணாமலை ராஜகோபுரம்.

கார்த்திகைத் தீபங்களே ஒளி வீசுகவே

கார்த்திகைத் தீபங்களே ஒளி வீசுகவே

இவைகளும் கோபுரமும் என் காமிராவின் பதிவே.

சொல்லுகிறேன்

சுத்தம் செய்த     அவல் பொரியோ அல்லது  நெல் பொரியோ எது

கிடைக்கிரதோ  ஒரு 3 டம்ளர் அளவில் செய்யலாம் வாருங்கள்.

வேண்டிய சாமான்கள்.—–பொடித்த வெல்லம்—1 டம்ளர்

சுக்குப் பொடி—அரை டீஸ்பூன்

மிளகுப் பொடி—கால் டீஸ்பூன்

ஏலப்பொடி—கால் டீஸ்பூன்

சிறிய பல்போல நறுக்கிய தேங்காய்த் துண்டுகள்–3டேபிள்ஸ்பூன்

பொட்டுக் கடலை, வறுத்த வேர்க் கடலை  சிறிது

நெய்—-சிறிது

செய்முறை. —-நெய்யில்   தேங்காய்த் துண்டுகளை சிவக்க

வறுத்து வைத்துக் கொள்ளவும்.

சற்று கொள்ளளவு  பெரிதாகவுள்ள பாத்திரத்தில் வெல்லப்பொடி

நன்றாக மூழ்கும் அளவு   தண்ணீர் சேர்த்து  நிதான தீயில் வைத்து

பாகாகக் காய்ச்சவும்.

பாகில் பொடிகளைச் சேர்க்கவும்.   முதிர் பாகாக வரும் போது

பொரியையும்,  தேங்காயையும் சேர்த்துக் கிளறி இறக்கவும்.

எண்ணெய் தடவிய தட்டில் கொட்டிக் கொண்டு   கையில்

அரிசி மாவை  லேசாக தடவிக்கொண்டு  வேண்டிய சைஸில்

உருண்டைகளாக உருட்டவும்.

விருப்பமுள்ளவர்கள்,     பொட்டுக் கடலையையும், வறுத்த

வேர்க் கடலையையும்    பொரியுடன் சேர்க்கலாம்.

பாகு வெல்லமாக இருந்தால் நல்லது.

காய்ந்தபாகில் ஒரு துளி, சிறிது ஜலத்தில் விட்டுப் பார்த்தால்

கரையாமல் கெட்டியாக  உருட்டி எடுக்கும் பதத்தில் பாகு வரும்.

திருக்கார்த்திகைக்கு  விசேஷமான பொரி உருண்டை.

சாதாரணமாக எப்போதும் கிடைக்கும்    முட்டைப்பொரி[அதாவது  அரிசிப் பொரி]

இதிலும் தயாரிக்கலாம். அளவு எல்லாம்   பொரி 3 பங்கு,   வெல்லம் 1 பங்கு கணக்குதான்.

பொரி யைக் கடையில் வாங்குவதால் சில சமயம் நமுத்துப் போக

வாய்ப்புள்ளது. அதனால் பொரியை சற்று சூடு படுத்தி…

View original post 7 more words

திசெம்பர் 4, 2014 at 11:21 முப 10 பின்னூட்டங்கள்

மாலாடு

இந்த மாலாடுவும் 2012 இல் எழுதியதுதான். தீபாவளியையொட்டி இதுவும் ரி ப்ளாக் செய்துள்ளேன்.
ஸுலபமானது. எதையாவது எழுதிப் பழக்கம். இதையாவது போடுவோம் என்று இந்தப்பதிவு. யாருக்காகவாவது உபயோகப்பட்டால் போதும். ருசியுங்கள். வாழ்த்துகளுடனும்,
அன்புடனும் சொல்லுகிறேன்.

சொல்லுகிறேன்

இதுவும்  மிகவும்  சுலபமாக   நினைத்தால்  செய்யக்கூடிய

லட்டு.   வாயில் போட்டால்  கரையக்கூடியதும், ருசியானது

மானது. நீங்களும்  செய்து  பாருங்கள்.

மாலாடு

வேண்டியவைகள்

பொட்டுக்கடலை—-ஒருகப்

சர்க்கரை—1 கப்

பாதாம்—–    8

முந்திரி—8

பிஸ்தா—8

ஏலக்காய்—3

நெய்—-2 கரண்டிகளுக்கு  அதிகம்.

லாடுக்கான ஸாமான்கள். நெய் தவிர

செய்முறை

பொட்டுக்கடலை  அதாவது   தேங்காய் சட்னியில் கூட

வைத்து அரைப்போமே ஸாக்ஷாத் அதுவேதான்.

வாணலியிலோ,   மைக்ரோவேவில்  வைத்தோ  பொட்டுக்

கடலையை   சற்று  சூடாக்கி    மிக்ஸியில்  நன்றாக அறைத்து

சலித்து எடுத்துக் கொள்ளவும்.   சில ஸமயம்  பொட்டுக்கடலை

நமுத்துப் போயிருக்கலாம்.  அதற்காகவும்,வாஸனைக்காகவும்

சூடாக்க வேண்டும்.

பருப்பு வகைகளையும்   லேசாக  வறுத்து   மிக்ஸியில்

நறநறப்பாகப்   பொடிக்கவும்

உறித்த  ஏலக்காயுடன்   சர்க்கரையையும் நன்றாக மிக்ஸியில்

அறைத்துக் கொள்ளவும்.

மிக்ஸியின்  சிறிய   கன்டெய்னரில்   அறைத்தால்

யாவையையும் நைஸாகப் பொடி செய்ய   முடியும்

பொட்டுக் கடலைமாவுப்ளஸ் முந்திரி பாதாம்பொடி
அறைத்த சர்க்கரைப் பொடி

இப்போது பொடித்த   எல்லாவற்றையும்   ஒரு  அகன்ற

தாம்பாளத்திலோ  தட்டிலோ   சேர்த்துக்  கலக்கவும்.

இனிப்பு   குறைவாக  வேண்டியவர்கள்   சர்க்கரைப் பொடியைக்

குறைக்கவும்.

முந்திரி,  பாதாம்  வகைகளை   ஸவுகரியம் போல  சேர்க்கவும்.

எல்லாமே  அவசியம் என்று  நினைக்க வேண்டாம்.

வாணலியில்    பாதியளவு   நெய்யை விட்டு  மிதமான  தீயில்

நன்றாகச்   சூடாக்கவும்.

தாம்பாளத்தில்   கலவையை பாதியாக  பிரித்துக் கொள்ளவும்.

பாதிக் கலவையில்  நன்றாகக்  காய்ச்சிய  நெய்யைவிட்டு

அகலமான  கரண்டியினால் நன்றாகக்   கலக்கவும்.

சூடான நெய்யுடன்

நெய்யின்  சூட்டில்    சர்க்கரை இளகி   உருண்டை…

View original post 82 more words

ஒக்ரோபர் 18, 2014 at 7:23 முப 4 பின்னூட்டங்கள்

புத்துருக்குநெய் மைசூர் பாகு

நான்கு வருஷத்திற்கு முன் எழுதியது இது. கடலைமாவை சற்று வருத்தாலே போதும். தீீபாவளிக்காகப் புதியதாக ஒன்று எழுதாவிட்டாலும் ரீ/ப்ளாகாகிலும் செய்வோமென்று தோன்றியது. செய்து ருசியுங்கள். கமகமவென்று வாஸனையுடன் ருசியுங்கள். அன்புடன் சொல்லுகிறேன்.

சொல்லுகிறேன்

வெண்ணெய் புதியதாகக் காய்ச்சி  அந்த நெய்யில் மைசூர்பாகு

தயாரித்தால்   அந்த ருசியே  அலாதிதான்

அம்மாதிரி செய்யும்  முறையைப் பார்ப்போமா?

வேண்டியவைகள்.

கால் கிலோ  உப்பு சேர்க்காத  வெண்ணெயை நெய்யாகக் காய்ச்சினால்

ஒரு கப்பிற்கு அதிகமாகவே  நல்ல நெய் கிடைக்கும். அதில் ஒருகப்

நெய்யை வடிக்கட்டி எடுத்துக் கொள்ளவும்.

அரைகப் கடலை மாவை   முன்னதாகவே  ஒரு ஸ்பூன் நெய் கலந்து

மைக்ரோ வேவில்   ஒவ்வொரு நிமிஷமாக கிளறிவிட்டு   2,   3,   நிமிஷம்

வைத்தெடுக்கவும்.

அல்லது   வாணலியிலிட்டு   லேசாக வறுத்து வைத்துக் கொள்ளவும்.

அடி கனமான    அகலமான பாத்திரத்தில்    ஒரு கப் சர்க்கரையைப்

போட்டு   சர்க்கரை அமிழ  ஜலம் விட்டு   நிதான தீயில் நன்றாகக்

கிளறவும்.

கூடவே     மற்றொரு    பாத்திரத்தில்   நெய்யைச்     சூடாக்கிக்

கொண்டே இருக்கவும்.

சர்க்கரை கரைந்து கொதித்து   ஒரு கம்பிப்  பாகு பதம் வரும் போது

மாவைச் சிறிது, சிறிதாகத் தூவிக் கிளறவும்.

நல்ல சூடான  நெய்யையும் சிறிது சிறிதாகச் சேர்த்துக் கிளறவும்.

தீ மிதமானதாக இருக்க வேண்டும். கை விடாது  அடிபிடிக்காது

கிளறவும்.

நெய் விடவிட கலவை நெய்யுடன்  சேர்ந்து    கொதித்து  இறுகி

பாத்திரத்தை விட்டு விலகி     நுறைத்து  மேலே வர ஆரம்பிக்கும்

நன்றாகக் கிளறி ,     தயாராக வைத்திருக்கும் நெய் தடவிய

தட்டு  அல்லது ட்ரேயில்     கலவையைக் கொட்டி , தட்டை

இரண்டு கையினால் பிடித்து  சமனாக பரவும்படி  அசைக்கவும்.

View original post 32 more words

ஒக்ரோபர் 10, 2014 at 11:47 முப 5 பின்னூட்டங்கள்

ஸந்தோஷ விருதுகளும், அளித்தவர்களும்.

lதொடர்ந்து கிடைத்த அவார்டுகளும்,மகிழ்ச்சியும்.

Continue Reading செப்ரெம்பர் 23, 2014 at 11:07 முப 25 பின்னூட்டங்கள்

எங்கள் வீட்டு வரலக்ஷ்மி பூஜை

ஆகஸ்ட் எட்்டாம் தேதி வரலக்ஷ்மி பூஜை. சென்ற வருஷத்திய என் பதிவை திரும்பவும் அளிக்கிறேன்.
படித்து மகிழுங்கள். அன்புடனும்,ஆசிகளுடனும்.

சொல்லுகிறேன்

வரலக்ஷ்மி அம்மன் மும்பை 2012 வரலக்ஷ்மி அம்மன்
மும்பை 2012

பெயரே வரலக்ஷ்மி பூஜை.   கேட்ட வரங்களை அள்ளிக் கொடுக்கும் பூஜை.

இதைத் தமிழ்நாடு,ஆந்திரா,கர்நாடகா,மஹாராஷ்டிராமுதலான இடங்களில்

விவாகமான பெண்கள்,  தலைமுறைத்,தலைமுறையாகக் கொண்டாடி,

வரலக்ஷ்மி அம்மனிடம் நல்ல வரங்கள் வேண்டிப் பூஜித்துவரும் ஒரு நோன்பு.

பல குடும்பங்களில் வழக்கமில்லாதும் இருக்கலாம்.

பிறந்த வீட்டில் உண்டு, புகுந்த வீட்டில் இல்லை என்றும் சொல்வதுமுண்டு.

பொதுவில் குடும்பத்தின் ஐசுவரிய வளத்திற்கும், வளமான  வாழ்க்கைக்கும்

கணவரின் க்ஷேமத்திற்காகவும் கொண்டாடப் படுகிறது,அனுஷ்டிக்கப் படுகிறது

என்பதுதான் எங்களின் முன்னோர்கள் எங்களுக்குச் சொல்லிக் கொடுத்தது.

நாங்கள்   எங்கள் குடும்பத்தில் எப்படிக் கொண்டாடுகிறோம் என்பதுதான்

நான் சொல்ல வந்தது.

ஏறக்குறைய  எல்லோருமே அம்மனைக் கலசத்திலிருத்தி  அலங்காரங்கள் செய்து,

வீட்டற்குள் அழைத்து,  மண்டபத்திலிருத்தி நல்ல முறையில் பூஜை செய்வது வழக்கம்.

சிற்சில விஷயங்களில், மாறுபாடு இருந்தாலும்,கொள்கையும்,பூஜையின்

காரணங்களும் ஒன்றேதான்.

தமிழ் நாட்டில் ஸுமங்கலிப் பெண்கள்,  இப்பூஜையை செய்வது வழக்கம்.

கர்நாடகாவில்,  கணவனும், மனைவியுமாகச் சேர்ந்து,  சாயங்காலவேளையில்

இப்பூஜைகளைச் செய்வதைப்   பார்த்திருக்கிறேன்.

வடை,பாயஸம்,இட்டிலி. கொழுக்கட்டை,  மஹாநிவேதநம்,பலவகைச் சமையல்கள்,

பருப்பு,சுண்டல்கள், வகை,வகையான பழங்கள் இவை யாவும் அவரவர்கள்

சவுகரியப்பட்டதை சிரத்தையாகச்,சேகரித்தும்,பூஜையில் நிவேதனம் செய்வார்கள்

பலவித   பக்ஷணங்களைச் செய்து,  அவைகளை நிவேதனம்  செய்யும்

முறை உள்ளவர்களும் உண்டு.

ஆவணிமாத   பௌர்ணமிக்கு   முன்னால் வரும்  வெள்ளிக்கிழமையில்

இந்த நோன்பு வரும்.

சில ஸமயம் இது ஆடி மாதத்தில் அமையும். இந்த வருஷம் ஆடி மாதம்

வருகிரது.

ஆடி 31 ஆம்தேதி அதாவது  ஆகஸ்ட் 16…

View original post 624 more words

ஜூலை 31, 2014 at 8:43 முப 8 பின்னூட்டங்கள்

ஒன்றில் மூன்று

 

புளிப்பு மாங்காய்கள்

புளிப்பு மாங்காய்கள்

மாங்காய் ஸீஸனில் வாங்கியுள்ள மாங்காயை மூன்று ரகமாகச்

செய்ததுதான் இது.

இனிப்புத் தொக்கு ஒன்று, காரம் சேர்த்த தொக்கு ஒன்று. மாங்காய்ப்

பச்சடி ஒன்று. ஆக மூன்று ரகம்.

மொத்தமாகத் துருவியதில் மாங்காய்த் துருவல் அதிகமாக இருந்தது.

மூன்றாகப் பிரித்ததில்  எல்லா வகையும் செய்ய முடிந்தது.

பச்சடி இன்னும் சுலபம். அடுத்து எழுதுகிறேன்

பார்ப்போமா உங்களுடன்.

காரமாங்காய் தொக்கு.

ரெடியாகும் காரத் தொக்கு

ரெடியாகும் காரத் தொக்கு

வேண்டியவைகள்.

துருவிய மாங்காய்—4கப். தோலைச் சீவி விட்டு மாங்காயைத் துருவவும்.

மிளகாய்ப்பொடி—-4 டேபிள்ஸ்பூன்

மஞ்சள்ப்பொடி—2 டீஸ்பூன்

நல்லெண்ணெய்–அரைகப்

ருசிக்கு– உப்பு

கடுகு—1 டீஸ்பூன்

வெந்தயம்—1 டீஸ்பூன்

பெருங்காயப்பொடி—1 டீஸ்பூன். விருப்பத்திற்கேற்ப சேர்க்கவும்.

செய்முறை–

கடுகையும்,வெந்தயத்தையும்,  சூடான வாணலியில் எண்ணெய்விடாது

வறுத்துப் பொடிக்கவும்.

செய்முறை

நான்ஸ்டிக் வாணலயிலோ, அல்லது  அலுமினியம் வாணலியிலோ பாதி

எண்ணெயைக் காயவைத்து துருவிய மாங்காயைப் போட்டு  வதக்கவும்.

புளிப்புக்குத் தக்கபடி உப்பு சேர்க்கவும். மஞ்சளும் சேர்த்து நிதான தீயில்

சுருள வதக்கவும்.

நீர் வற்றி   எண்ணெய் பிரிந்து வரும் போது,மிளகாய்ப்பொடி,மீதி

எண்ணெயைச்சேர்த்துக் கிளறி, இறக்கி வெந்தயகடுகுப் பொடியைச் சேர்த்துக்

கிளறவும்.

பெருங்காயப் பொடியைச் சேர்த்துக் கிளறி ஆறினவுடன் ருசி பார்த்து

உப்பு காரம் ருசி பார்த்து   சுத்தமான பாட்டலில் வைத்து மூடவும்.

பாட்டிலில் அடங்கத் தயார்

பாட்டிலில் அடங்கத் தயார்

ஃப்ரிஜ்ஜில் வைத்து  நாள்ப்படவும் உபயோகப் படுத்தலாம். அடுத்தது

இனிப்புத் தொக்கு

இனிப்புத் தொக்கு

இனி.ப்புத் தொக்கு.

வேண்டியவைகள்

மாங்காய்த் துருவல்—-2கப்

வெல்லம்—-2கப்

உப்பு—ஒரு டீஸ்பூனைவிட அதிகம்

எண்ணெய்—-3 டேபிள்ஸ்பூன்

வறுத்தரைத்த சீரகம்,வெந்தயம், வகைக்கு ஒருஸ்பூன் பொடித்துக் கொள்ளவும்.

மிளகாய்ப் பொடி—-2 டேபிள்ஸ்பூன்

மஞ்சள்ப்பொடி—சிறிது.

செய்முறை

நான் ஸ்டிக் வாணலியில்  எண்ணெயைக் காயவைத்து, மாங்காய்த் துருவலை

வதக்கவும். உப்பு , மஞ்சள் சேர்க்கவும்.

துருவல் வதங்கியதும், வெல்லத்தூளைச் சேர்த்துக் கிளறவும். வெல்லம் சேர்த்ததும்

சிறிது இளகும்.

நன்றாகக் கிளறிக்கொண்டே இருந்தால்  மாங்காய் சேர்ந்து வெந்து, சுருண்டு வரும்.

கையில் ஒட்டாத பதத்தில் இறக்கி,வெந்தய,சீரகப்பொடியைச் சேர்த்துக் கிளறவும்.

பெருங்காயப்பொடி,   அல்லது, சிறிது கரம் மஸாலாவும் சேர்த்துக் கிளறி

உபயோகிக்கலாம்.

தித்திப்பும்,காரமுமாக நானும் ரெடி

தித்திப்பும்,காரமுமாக நானும் ரெடி

இனிப்பு  விருப்பமானவர்களுக்கு  ரொட்டி,தோசை முதலானவற்றுடன் சேர்த்துச்

சாப்பிட நன்றாக இருக்கும்

. பச்சடியையும் எழுதிவிடுகிறேன்.

வேண்டியவைகள்

மாங்காய்த் துருவல்—அரைகப்

பச்சைமிளகாய்—3

வெல்லம்—-முக்கால்கப்,

துளி–உப்பு

எண்ணெய்—2 டீஸ்பூன்

கடுகு,பெருங்காயம்–சிறிது

வறுத்த வெந்தயப்பொடி,சீரகப்பொடி சிறிது.

நான்தான் பச்சடி

நான்தான் பச்சடி.

செய்முறை

வாணலியில் எண்ணெயைச் சூடாக்கி, கடுகை வெடிக்க விட்டுநறுக்கிய பச்சை

மிளகாயை வதக்கி  மாங்காய்த்   துருவலையும் சேர்த்து    வதக்கவும்.

துருவல் வதங்கியதும்  , அரைகப் தண்ணீர் சேர்த்து ,வெல்லமும் சேர்த்து

கொதிக்க விடவும். உப்பு,பெருங்காயம்,மஞ்சள் சேர்க்கவும்.

கொதித்துச் சற்றுக் குறுகி வரும்போது இறக்கி, வெந்தய,சீரகப்பொடியைச்

சேர்க்கவும்.

பச்சடி தயார். நீர்க்க இருந்தால் துளி மாவு கரைத்துச் சேர்த்து ஒரு கொதி விடவும்.

அவ்வளவுதான்.

மொத்தமாக கடுகு வெந்தயப் பொடிகள் இருந்தால்    ஊறுகாய் வகைகளுக்கு சீக்கிரமே

தயார் செய்ய உபயோகமாக இருக்கும்.

 

 

 

 

 

ஜூலை 13, 2014 at 12:04 பிப 10 பின்னூட்டங்கள்

Older Posts Newer Posts


ஜூன் 2020
தி செ பு விய வெ ஞா
1234567
891011121314
15161718192021
22232425262728
2930  

திருமதி ரஞ்சனி அளித்த விருது

Follow சொல்லுகிறேன் on WordPress.com

Enter your email address to follow this blog and receive notifications of new posts by email.

Join 292 other followers

வருகையாளர்கள்

  • 519,374 hits

காப்பகம்

பிரிவுகள்


Durga's Delicacies. Charming to those of Refined Taste.

A diary of my cooking experiences to remember, to share and to learn.

Stanley Rajan

உலகத்தை உற்று நோக்கும் ஒரு பாமரன்

எறுழ்வலி

தமிழ்த்தாயின் தலைமகன்...

ஆறுமுகம் அய்யாசாமி

கவிதை, கருத்து, இதழியல்

எண்ணங்கள் பலவிதம்

என் எண்ணங்களின் நீருற்று

ranjani narayanan

Everything under the sun with a touch of humor!

Chitrasundar's Blog

நாங்களும் சமைப்போமில்ல!!!

hrjeeva

TNPSC

முருகானந்தன் கிளினிக்

மருத்துவம், இலக்கியம், அனுபவம் என எனது மனதுக்குப் பிடித்தவை, உங்களுக்கும் பயன்படக் கூடியவை

chinnuadhithya

A smile is a curve that straightens everything

Rammalar's Weblog

Just another WordPress.com weblog

anuvin padhivugal

மனதில் உள்ளதை பகிர்ந்துகொள்ள......

Cybersimman\'s Blog

இணைய உலகிற்கான உங்கள் சாளரம்

Vallamsenthil's Blog

Just another WordPress.com weblog

பிரபுவின்

பிரபுவின் வெற்றி

உலகின் முக்கிய நிகழ்வுகள்!

உண்மை நிகழ்வுகளை! வெளிஉலகிற்கு உணர்த்தும் ஒரு முயற்சி !

The WordPress.com Blog

The latest news on WordPress.com and the WordPress community.

WordPress.com

WordPress.com is the best place for your personal blog or business site.