Archive for ஜூன், 2014
லெட்டூஸ் ஸேலட்
இதைமிகவும் ஸுலபமாகத் தயாரிக்கலாம். அதிக ஸாமானுமில்லை. வெய்யில் காலத்திற்கேற்றது.
வேண்டியவைகள்.
வெங்காயம்—-ஒன்று
கேரட் –ஒன்று
தக்காளி —ஒன்று.
உருளைக்கிழங்கு —ஒன்று.
லெட்டூஸ் இலைகள்—நறுக்கியது. –1கப்.
உப்பு, ஒரு இதழ்—பூண்டு, உரிகானோ இருந்தால்—சிறிதளவு.
எலுமிச்சை சாறு சில துளிகள்.
அரை டீஸ்பூன்—ஆலிவ் ஆயில்.
செய்முறை.
உருளைக் கிழங்கை வேக வைத்து தோலுரித்துச் சிறிய துண்டங்களாகச்
செய்து கொள்ளவும்.
சுத்தம் செய்த கேரட்டைத் தோல் சீவி துருவிக் கொள்ளவும்.
வெங்காயத்தையும் துண்டுகளாக்கிக் கொள்ளவும்.
தக்காளியையும் துண்டுகளாக்கவும்.
பூண்டைத் தட்டி எண்ணெயில் கலக்கவும். உப்பு சிறிது,உரிகானோ,எலுமிச்சைச்
சாற்றைக் கலக்கவும். விரும்பினால் மிளகுப்பொடி துளி சேர்க்கலாம்.
ஒரு அகன்ற பாத்திரத்தில், லெட்டூஸ் இலைகளுடன்,உருளைக்கிழங்கு,வெங்காயம்,கேரட் துருவல்,
பூண்டு சேர்த்த எண்ணெய் இவைகளை ஒன்றாகக் கலக்கவும்.
தக்காளியால் அலங்கரித்து வைத்து, சேர்த்துச் சாப்பிட வைக்கலாம்.
முளைப் பயறுகள் இருந்தாலும் சேர்க்கலாம். ருசியானது. நல்லதும் கூட.
சொல்லுகிறேன் 