சொல்லுகிறேன்

தர்பூசணி ஜூஸ்.

ஏப்ரல் 29, 2015 at 7:59 முப 8 பின்னூட்டங்கள்

தர்பூசணி ஜூஸ்

இதுவும் என்ன பிரமாதம் என்று கேட்கிறீர்களா?

திருப்பதி போயிருந்த போது   ரோடில் பக்க வாட்டில் மலைபோலக்

குவிந்திருந்தஇந்தப் பழம் மலிவாகத் தோன்றியது. வாங்கி வந்தது

பெரிய பழம்.

எப்படிச் சிலவாகும் என்று யோசித்தபோது,  பிளாகில் எழுத ஒரு ஐடம்

சிக்கியது என்று மனம் மகிழ்ந்தது.

ஜூஸும் செய்து,பருகி மகிழ்ந்து,படம் பிடித்து, எதற்காகப்  படம்

பிடித்தோமோஅதை நிறைவேற்ற வேண்டாமா?

வேண்டிய அளவு செய்து பருகுங்கள்

வேண்டியவைகள்.

தர்பூசணிப்பழம்—-வேண்டிய அளவு   . மேல்த்தோலையும், உள்ளிருக்கும் விதைகளையும் நீக்கவும். தோலை ஒட்டி வெண்மையான  காய் போன்ற பகுதி இருந்தால் அதையும் நீக்கவும்.

பழப்குதியை மட்டும்  உபயோகிக்கவும்.

துளி இஞ்சி

புதினா இலை —4

சர்க்கரை,அல்லது தேன்.–சிறிதளவு.

தேவைக்கேற்றார்போல   எலுமிச்சைச் சாறு

உப்பு, அல்லது இந்துப்பு என்று சொல்லப்படும் காலா நமக்—கால் டீஸ்பூன்.

செய்முறை.

நறுக்கிய தர்பூசணிப்பழத்துண்டுகள்,இஞ்சி,இரண்டு புதினா இலை

இவைகளை  மிக்ஸியில் அரைக்கவும்.

பழக்கூழை எடுத்து பாத்திரத்தில் விட்டு, காலாநமக்,சிறிது சர்க்கரை

சேர்த்துக் கலக்கவும். வேண்டிய அளவு  ஐஸ் கட்டிகளைச் சேர்க்கவும்.

ருசிக்குத் தகுந்தாற்போல எலுமிச்சைச் சாறு சேர்க்கவும்.. தேன்

சேர்க்கவும்.

அதிகம் தண்ணீர் விடத் தேவையில்லை.   நீர்க்க வேண்டுமென்றால்

தண்ணீர்  சிறிது சேர்த்து  சர்க்கரை அதிகம் சேர்க்கவும்.

மிளகுகூட சிறிது பொடி செய்து சேர்க்கலாம் என்று தோன்றியது.

சாற்றை அப்படியே பருகினால்  ருசி மிகவும் அதிகம்.

கண்ணாடிக் கோப்பைகளில் நிரப்பி, புதினாவால் அலங்கரிக்கவும்.

அழகான அருமையான ஜில் என்ற  ஜுஸ் மனதையும் குளிர்விக்கிறது.

அளவெல்லாம்  தரவில்லை. எவ்வளவு பழமோ உங்கள் விருப்பப்படி

செய்து சுவையுங்கள்.

Entry filed under: ஜூஸ்வகைகள். Tags: தர்பூசணி.