ஃப்ரூட்சாட்.
ஒக்ரோபர் 20, 2016 at 1:18 பிப 19 பின்னூட்டங்கள்
எல்லாவித பழங்களும் வீட்டில் இருந்தது. தில்லியில் கடைகளில், ஃப்ரூட் சாட் கிடைக்கும். வெந்த உருளைக்கிழங்கின் துண்டுகள் கூட போட்டுப் பார்த்திருக்கிறேன். இது பழங்களைமட்டும் சேர்த்துச் செய்தது. என் மருமகள் என்ன வேண்டுமோ எல்லாம் செய்து கொடுக்கிறாள்.
வீட்டில் தனியாகப் பொழுது போக வேண்டுமே.!
முடிந்தபோது எழுதுகின்றேன். அவ்வளவுதான்.
ஃப்ரூட்சாட்
வேண்டியவைகள்.
நான் எவைகளைச் சேர்த்தேன் என்பதுதான் இது.
அவ்வப்போது கிடைக்கும் பிராந்தியப் பழங்களைக் கொண்டு ஸீஸனுக்குத் தகுந்தாற்போலத் தயாரிக்கலாம்.
சிறிய வாழைப்பழம்—1, ஆப்பிள் –1, கிவி—1, பப்பாளி நறுக்கியது –1கப், திராக்ஷை—அரைகப், துண்டுகளாக்கிய அனாசிப்பழம்–அரைகப், மாதுளை முத்துகள் அரைகப், ஆரஞ்சுச் சுளைகள் தோல்நீக்கியது –அரைகப்.
புளிப்பில்லாத தயிர்—1கப், வறுத்துப் பொடிசெய்த சீரகப்பொடி–அரை டீஸ்பூன், தேன் ஒரு டீஸ்பூன், சாட்மஸாலா—அரைடீஸ்பூன், உப்பு அரை டீஸ்பூன், இந்துப்பு அதாவது காலாநமக் என்று சொல்லுவது ஒரு சிட்டிகை.
செய்முறை—- பழங்களை அழகாக சீராக நறுக்கி , ஃபிரிஞ்ஜில் சிறிதுநேரம் ஒரு பவுலில் வைத்து எடுக்கவும். தயிரையும் வைக்கவும்.
பழத்துண்டங்கள்
வாயகன்ற பவுலில் உள்ள பழங்களின் மீது, தயிரைப் பரவலாக விட்டு, மேலே பொடிகளைத் தூவவும். தேனையும் கலக்கவும். அருமையான சாட் ரெடி.
நன்றாகக் கலந்து அழகிய கிண்ணங்களில் போட்டு, ஸ்பூனுடன் சாப்பிடக் கொடுக்கவும்.
ஃப்ரூட்சாட்
ருசித்தீர்களா?
Entry filed under: சாட் வகைகள்.
19 பின்னூட்டங்கள் Add your own
பின்னூட்டமொன்றை இடுக
Trackback this post | Subscribe to the comments via RSS Feed
சொல்லுகிறேன் 
1.
VAI. GOPALAKRISHNAN | 1:29 பிப இல் ஒக்ரோபர் 20, 2016
//ருசித்தீர்களா?//
ஆஹா, ருசித்தோம். அருமையாக உள்ளது. பகிர்வுக்கு நன்றிகள்.
2.
chollukireen | 3:45 பிப இல் ஒக்ரோபர் 21, 2016
படமே ருசியைக் கொடுத்து விட்டதற்கு மிகவும் நன்றி. ருசித்தோம். பகிர்வை. அன்புடன்
3.
A Kumar | 10:18 பிப இல் ஒக்ரோபர் 20, 2016
Looks very colourful and must taste good.Thank you for sharing.
4.
chollukireen | 3:43 பிப இல் ஒக்ரோபர் 21, 2016
பழக்கலவை அதி சீக்கிரத்தில் தயாரிக்கக் கூடியது.பார்த்தே ருசித்ததற்கு மிகவும் நன்றி. அன்புடன்
5.
கோமதி அரசு | 5:55 முப இல் ஒக்ரோபர் 21, 2016
அருமையாக இருக்கிறது.
படம் அழகு.
6.
chollukireen | 3:46 பிப இல் ஒக்ரோபர் 21, 2016
படம் அழகு. ருசியாகவும் இருக்கு . சுவைத்து எழுதுங்கள். அன்புடன்
7.
ஸ்ரீராம் | 3:44 முப இல் ஒக்ரோபர் 22, 2016
சுவை!
8.
chollukireen | 10:37 முப இல் ஒக்ரோபர் 22, 2016
உண்மையாகவே பிடித்தவர்களுக்கு. அன்புடன்.
9.
ஸ்ரீராம் | 6:20 முப இல் ஒக்ரோபர் 20, 2020
என்னென்ன கலக்கலாம் என்பதில் கிடைப்பவைகளைக் கொண்டு எல்லாம் நம் கற்பனைதான். மறுபடியும் சுவைத்தேன்.
10.
chollukireen | 10:57 முப இல் ஒக்ரோபர் 20, 2020
கற்பனையிலேயா? இல்லை ருசி பிடித்ததா. உங்கள்வருகைக்கு மிகவும் நன்றி. அன்புடன்
11.
chollukireen | 11:23 முப இல் ஜூலை 18, 2022
Reblogged this on சொல்லுகிறேன் and commented:
நான்கைந்து வருஷங்களுக்கு முன்னர் ஜெனிவா வந்திருந்தபோது எழுதினது. அப்போது கிடைத்த பழங்கள் இது.மீள்பதிவிற்கு கிடைத்த பதிவு இது. ஸீஸனுக்குத் தகுந்தாற்போல பழங்களை மாற்றிச் செய்யுங்கள். ருசி உங்கள் கையில்தான். அன்புடன்
12.
நெல்லைத்தமிழன் | 2:33 பிப இல் ஜூலை 18, 2022
நன்றாகவே ருசித்தேன்…. மிக அருமை. மாம்பழம் மற்றும் பல பழங்களையும் சேர்க்கலாம். பெரும்பாலும் பலாப்பழம் சேர்த்தால் ஏன் கசப்புச் சுவை வந்துவிடுகிறது?
13.
chollukireen | 10:59 முப இல் ஜூலை 19, 2022
ஜெனிவாவில் பலாப்பழம் கிடைத்ததில்லை.அதனால் ருசி தெரியாது. மாம்பழம்சேர்த்தால் ருசி அருமைதான். மிக்க நன்றி. அன்புடன்
14.
ஸ்ரீராம் | 11:47 பிப இல் ஜூலை 18, 2022
மாலை நேரங்களில் சாப்பிட ஏற்றது!
15.
chollukireen | 11:01 முப இல் ஜூலை 19, 2022
ஆமாம். நிதானமாக ருசிக்கலாம். மிக்க நன்றி.அன்புடன்.
16.
chollukireen | 11:02 முப இல் ஜூலை 19, 2022
கீ.சா பார்க்கவில்லையா? அன்புடன்
17.
Geetha Sambasivam | 11:58 முப இல் ஜூலை 19, 2022
முன்னாடி வந்தப்போப் படிக்கலை போல! இப்போத் தான் பார்க்கிறேன். குழந்தைகள் இருக்கையில் நிறையப் பழம் வாங்குவோம். இது அடிக்கடி பண்ணுவேன். இப்படி இல்லாமல் தேன், தேங்காய்த் துருவல் ஏலப்பொடி சேர்த்தும் பண்ணித் தருவேன். ஆனால் நான் சாட் மாதிரிப் பண்ணுகையில் தயிர் சேர்க்கலை. ஏன் என நினைவில் இல்லை. தயிர் சேர்த்தும் பண்ணிப் பார்க்கணும். இங்கே பார்க்க வருகிறவங்க பழக்கடையையே கொண்டு வராங்க. அதிலே பண்ணலாம்.
18.
chollukireen | 11:24 முப இல் ஜூலை 21, 2022
வரவா வந்தால்தான் மனதுக்கு ஒரு ஆறுதல். இது என்னவோ எதிரில் பேசுவதாக ஒரு நினைப்பு. அதான். செய்து பாருங்கள். என்நவோ முடியவில்லை. மிகவும் நன்றி. அன்புடன்